Proxección
Fac. de Filosofía (Santiago)
A Asociación Cine Mazarelos organiza unha sesión especial na que proxectará as curtas que as persoas lle manden a mazareloscine@gmail.com. Curtametraxes rematadas, a medio facer, trailers... o que sexa!
Festival
Marín
Evento anual en torno ao cinema e á cultura marítima. No festival proxéctanse multitude de obras audiovisuais de temática relacionada co mar, ademais doutras actividades que tamén teñen o medio mariño como protagonista.
Curso
Celanova
O curso inclúe o visionado de webseries como Temos, A moza que abortou e o contou e Pringadas, así como filmes como Casa en flames, El secreto del orfebre, San Simón, Inteligencia artificial e SinÉl, con coloquios posteriores cos equipos de dirección e produción.
Santiago
Un festival destacado no panorama estatal que traballa en contacto con outros festivais da contorna e de Europa. A contemporaneidade, o risco e a exploración formal son as guías do seu traballo. Nos últimos anos, o festival evolucionou para convertirse nun evento interdisciplinar que, mantén o cinema como eixo.
Esteiro da Foz (Nigrán)
A proposta é gozar dunha escolma de películas, tanto clásicas como contemporáneas, que teñen como tema principal o uso das bicicletas. No espazo onde se dispón a pantalla ao aire libre instalarase unha plataforma de 10 bicicletas na que o público asistente terá que pedalear para xerar a enerxía que abastece o proxector e o equipo de son.
Bueu
Unha selección das mellores curtametraxes internacionais, nacionais e galegas organizadas en diferentes seccións; coloquios con cineastas, mesas redondas, charlas, encontros, premio cinema galego, MiniFIC, música, formación e moitas máis actividades.
Vigo
O festival, que se celebra anualmente entre setembro e outubro en Vigo, transformou a escena do cine fantástico, de terror e sci-fi en Galicia. A súa programación, tan variada como ambiciosa, abrangue desde as máis recentes producións independentes ata clásicos de culto, ofrecendo un festín visual para os padais máis esixentes do xénero.
Ourense
O Festival de Cine de Ourense, tamén chamado OUFF - Ourense Film Festival é a cita competitiva internacional de cinema máis antiga que se celebra en Galiza. A primeira edición tivo lugar en 1996, promovida polo director ourensán Eloy Lozano.
Pontevedra
Trátase dun certame competitivo cuxa programación se implementa en diferentes emprazamentos da cidade, como a sede do Vicerreitorado do Campus de Pontevedra (Casa das Campás), a Facultade de Comunicación e o Museo de Pontevedra, pero que exhibe os seus filmes no emblemático Teatro Principal.